Autonómicas 2009: de campaña electoral

Que marcho de campaña. Como nas dúas anteriores eleccións galegas, seguirei ó candidato do BNG alá onde vaia nos vindeiros quince días.
O bo do asunto é coñecer o país, que diría Anxo Quintana, e desconectar da rutina habitual do traballo na radio. O malo é non poder levar a Trufa comigo. Tratarei de que este percorrido tamén teña traducción en El Túnel, máis alá da información en sentido estricto, que xa terá espazo abondo nos medios tradicionais. Hoxe a cousa comezou cun pequeno cuestionario de carácter persoal ó candidato, que se poderá escoitar mañá á tarde nas emisoras da SER en Galicia, e cunha comparecencia sobre a policía galega. Só lle falta o nome, digo eu. Así que se admiten propostas.