Reponga toner

Nin a internet, nin os medios de comunicación, nin a banca. O novo gran poder é o das máquinas. É o fax quen che di "reponga papel en bandeja 2" (onde raios estará esa bandexa?); a impresora ordénache -nunca piden as cousas con educación- "reponga toner" e unha estrana voz que ninguén sabe moi ben de onde sae diche "calle San Andrés, puede cruzar". O caso das computadoras é aínda peor. Cando por fin fas o que ela che mandou, espétache: "Está seguro de que quiere cerrar esta aplicación?". "Que se estou seguro? Pero se fuches quen mo ordenou!".