Quintana cumpre anos na recta final da campaña das autonómicas

Quintana baila na campaña electoral. Fotografía: AGN

Xa queda menos. Hoxe é o antepenúltimo día de campaña das autonómicas galegas de 2009. E tocamos na casa, na miña, claro está.
Empezamos a notar cansazo e iso tamén se traduciu en menor actividade neste diario de campaña. Esta mañá Quintana bailou cos novos -para que despois digan que só baila cos vellos- e hai que admitir que non o fixo nada mal, sobre todo se temos en conta que a música -mestura de sons tradicións con ritmos de vangarda- non o poñía moi fácil. O día, en todo caso, foi raro. Espertamos coa nova do falso accidente de coche do candidato -aínda non sei exactamente como se colou iso- e despois vimos nos xornais a imaxe de Quintana no iate dun coñecido empresario. Demasiadas emocións para un só día. Será que non tódolos días se cumpre un medio século.