Primavera?

Disque un día deixará de chover.
O inverno trata de voltar para roubarlle presencia a esta primavera que non dá chegado, que seica non quere chegar. As mulleres acurúxanse no portal, sabedoras de que nunca choveu que non escampase. Falan de paraugas e sombreiros no tempo no que deberon florecer as cores vivas que faltan na casa. As estacións andan despistadas; tan revolucionadas que volverían tolo a Vivaldi a golpe de cambio climático. As roupas do inverno fanse fortes nunha cama que usan de refén por un rescate imposible. A primavera agarda, paciente, a súa vez. Disque virá a modo. Disque mañá deixará de chover.

Estación anterior: Outono